हिन्दुकुश हिमालय पर्वत शृंखला र तिब्बती पठार समेट्ने यस क्षेत्र  उत्तरी र दक्षिणी ध्रुवहरुपछिको  सबैभन्दा ठूलो हिउँको मात्रा रहेको भुभाग भएकाले  यसलाई संसारको तेस्रो ध्रुव (थर्ड पोल) को रूपमा चिनिन्छ । यो क्षेत्रमा १० प्रमुख नदी प्रणालीहरु छन् जसले एसियाका १.९ अर्ब (विश्वको जनसङ्ख्याको लगभग २० प्रतिशत ) भन्दा बढी मानिसहरूलाई सिँचाई, बिजुली र पिउने पानी उपलव्ध गराउँछ।

द थर्ड पोल (टीटीपी) यस क्षेत्रमा तर्जुमा हुने नीतिहरूबाट प्रभावित हुने सबैकाबीच सक्रिय सहकार्यबाट मात्र दिगो विकास सम्भव छ भन्ने सिद्धान्तमा विश्वास राख्दछ । हाम्रा रिपोर्ट तथा टिप्पणीहरूले सरकारका उच्च अहोदामा रहेका व्यक्तिहरु,  विशेषज्ञ र नीति निर्माताहरूलाई सहभागी बनाउने प्रयास गर्दछ। साथै हिन्दुकुश हिमालयबाट बग्ने नदीहरू आसपास बसोबास गर्ने मानिसहरूको दृष्टिकोणमाथि प्रकाश पार्दछ । हामी यसो गर्नका लागि आम जनता माझ नै काम गरिरहेका तथा बसोवास गरिरहेका पत्रकारहरूको सहयोग लिने गर्दछौँ । 

समुदाय र नीति निर्माताहरूबीच तथा विभिन्न देशका समुदाय र नीति निर्माताहरूबीच जानकारी र ज्ञानको निःशुल्क प्रवाह हाम्रो कामको मूल ध्येय हो । हामी तपाईँहरूको टिप्पणी तथा लेखहरूलाई स्वागत गर्दछौँ।