(English) India is one of most vulnerable nations to climate change impacts
नोभेम्बर 12, 2017
जल वायु परिवर्तन हुन सुरु भइसकेको छ र स्थिति भयावह छ, स्टकहोम रेजिलियन्स सेन्टरका कार्यकारी निर्देशक योहान रोकस्त्रोमले भने
PFC Raiquan Wade, of the South Carolina National Guard, clearing debris in Puerto Rico after Hurricane Maria [image by: The National Guard/SSG Mark Scovell]
विश्वव्यापी रुपमा तापक्रम बढ्दै जाँदा पृथ्वी यस्ता ‘टिपिङ पोइन्टहरू’ को नजिक पुग्दैछ जहाँ मानव सुरक्षा गम्भीर खतरामा पर्नेछ, हालै सम्पन्न संयुक्त राष्ट्र संघ जलवायु परिवर्तन सम्मेलनका क्रममा वैज्ञानिकहरूले चेतावनी दिएका छन् ।यो चेतावनी तीन वर्षसम्म स्थिर रहेको संसारभरको हरित गृह ग्यासको उत्सर्जन मात्रा अब बढ्ने देखिएको केही दिनमा जारी गरिएको हो ।
कार्बन कार्बनडाइअक्साइड जस्तो हरित गृह ग्यास (जीएचजी) को उत्सर्जनले पृथ्वीको वायुमण्डलको तापक्रम बढाउने गरेको छ र यसका कारण बाढी, पहिरो, खडेरी जस्ता प्रकोपलाई अझ भयावह बनाएको त छदै छ, समुद्रको सतह पनि बढाएको छ ।’हामीले सन्तोष मान्ने कुनै ठाउँ छैन । जलवायु परिवर्तन सुरु भइसकेको छ । यो खतरनाक छ र यसका असरहरू अझै बढ्दै जानेछन्,’ स्टकहोम रेजिलियन्स सेन्टरका कार्यकारी निर्देशक तथा वैज्ञानिकहरूको एक सञ्जाल अर्थ लिगका प्रमुख योहान रोकस्त्रोमले भने । ‘गएका दुई वर्षहरूमा थुप्रै प्रमाणहरू देखिएका छन् र जसको आधारमा के भन्न सकिन्छ भने हामी (पृथ्वी) यस्ता विन्दुहरू तर्फ अघि बढ्दै छौँ जहाँबाट पहिलेकै स्थानमा फर्किन सकिने छैन । ‘
उनले यी कुराहरू जर्मनीको बोन शहरमा आयोजित सम्मेलनको क्रममा जलवायु परिवर्तनसम्बन्धी राष्ट्रसंघीय महासन्धि (UNFCCC) की कार्यकारी सचिव प्याट्रीसिया एसपिनोसा र उपस्थित वार्ताकारहरूलाई दिएको ‘जल वायु परिवर्तनको विज्ञान ’bout जान्नै पार्ने १० बुँदा’ विषयक वक्तव्यमा भनेका थिए ।’फ्युचर अर्थ’ र ‘अर्थ लिग’ ले प्रकाशन गरेको यो वक्तव्यमा भुगर्व विज्ञान र अर्थशास्त्र अनुसन्धानका क्षेत्रमा जलवायु परिवर्तन सम्बन्धी हालसालै पत्ता लागेका कुराहरूको सार प्रस्तुत गरिएको छ ।
यी हुन् जल वायु परिवर्तनको विज्ञान ’bout जान्नै पार्ने १० बुँदा:
चिन्तित वैज्ञानिकहरू
‘उत्सर्जनको मात्रा तीन वर्षसम्म स्थिर रहेर फेरि बढेको छ । यो मानवजातिकै लागि ठूलो धक्का हो,’ फ्यूचर अर्थकी कार्यकारी निर्देशक एमी लुएर्सले भनिन् । ‘पृथ्वीको क्षमतालाई यति परसम्म धकेल्नु ज्यादै चिन्ताको विषय हो । उत्सर्जन मात्रा अब छिट्टै उच्च विन्दुमा पुग्नु पर्छ र २०५० सम्ममा शून्य तर्फ उन्मुख हुनु पर्छ । भाग्यवश हामीसँग यो उर्जा संक्रमण काल व्यवस्थापन गर्ने साधन उपलब्ध छन् । तिनको सदुपयोग गरेर कार्बनको प्रयोग घटाउन सकिने मात्रै होइन, उर्जा सुरक्षा सुद्रिढ गर्न र मानव स्वास्थ्य र अर्थतन्त्रलाई सबलिकरण पनि गर्न सकिन्छ ।‘
अर्थ लिगका सदस्य तथा ‘पोष्टडाम इन्स्चिट्युट फर क्लाइमेट इम्प्याक्ट रिसर्च’का निर्देशक हान्स योआकिम सेल्नहुबरले भने, ‘दसौँ हजार मानिसहरू किन बोनमा भेला हुन्छन् भन्ने कुरा सबैलाई सम्झाइरहन जरुरी छ : विज्ञानले खुलासा गरे झै विश्व उष्णीकरणका कारण मानवजाति अभूतपूर्व जोखिममा छ ।’
We want to hear from you! Tell us what you think about The Third Pole and you could win $100. Take our survey here.
How can we manage the reality of rapid population growth this century and still live sustainably on the planet, with a good quality of life for all? Is it possible? What does this scenario look like?